Convócase a XXXI Asemblea xeral de NEG, con carácter
ordinario, para o sábado, día 31 de xaneiro do 2015, no Centro de Interpretación
Ambiental de Galicia, Parque de Belvís, Santiago de Compostela, ás 9:30 e
coa seguinte Orde do día:
Aprobación, se proceder das actas da XXX Asemblea e da Asemblea
extraordinaria.
1.Aprobación, se proceder, da
Memoria de actividades do ano 2014.
2.Aprobación, se proceder, da
Memoria económica do ano 2014.
3.Aprobación, se proceder, do
Programa de actuacións para o ano 2015.
4.Ratificación, se proceder, do
Orzamento para o ano 2015.
5.Elección dos cargos e ratificación
das e dos representantes dos Grupos no Secretariado Nacional.
6.Resolucións
7.Rogos e preguntas.
Milladoiro
- Ames, a 15 de xaneiro de 2015.
A presidenta: Mª Dolores Candedo Gunturiz
As
candidaturas para o secretariado nacional (en listas de nove
persoas e, no seu caso, persoas suplentes, nas que os
primeiros postos se corresponderán coa presidencia,
vicepresidencia, secretaría e tesouraría, tal e como se
contempla no artigo 18 dos Estatutos) poderán presentarse
ata o mesmo día da asemblea ás 10 hs.
Igualmente
poderán presentarse as propostas de resolución da Asemblea
ata o mesmo día ás 11 hs.
Toda
a documentación relacionada coa Asemblea poderá consultarse
(ou mesmo recuperarse) do noso
sitio web no
menú ASEMBLEAS, submenú XXXI ASEMBLEA XERAL. Para poder
acceder cómpre entrar co usuario e o contrasinal de
cada quen (se alguén aínda o ignora pode preguntalo na nosa
sede)
CONVOCATORIA DE
XUNTANZA Co gallo da celebración da XXXI Asemblea Anual de
NEG, convocamos a toda a asociación a unha xuntanza, que terá o
seguinte programa: Día e
hora: sábado, 31 de xaneiro, 12:15 h. Lugar:Centro de Interpretación Ambiental de Galicia, Parque
de Belvís, Santiago de Compostela
12,15 – 14,30 h. Xuntanza dinamizada polos grupos de traballo
(cada grupo disporá duns 30 minutos) .
Grupo
Educadores/as pola Paz
Grupo
Cambela
Grupo
de Rural
Grupo
Cavila
15
h. Xantar de confraternidade no Silveira. Casa de Xantar
(Praza de Mazarelos, Rúa Cardenal Payá, n. 18)
O xantar inclúe 1º e 2º prato, bebida, sobremesa e café (é o menú
do día, polo que cada un/ha escollerá no momento) e ten un custo
de 15 €
As persoas que queira asistir ó mesmo deben facer a súa reserva a
través deste mesmo correo electrónico antes do 27 de xaneiro.
Milladoiro - Ames, a 15 de xaneiro de 2015.
A presidenta: Mª Dolores Candedo Gunturiz
ACTIVIDADES DE FORMACIÓN
Re.Cursos.
Respirando alegría. Módulo 3: "A
comunidade. Compromiso-práctica" Santiago, 7 e 8
de febreiro. O método Re.cursos.
Respirando Alegría achegaralle ó educador/a
ferramentas aplicables no seu espazo educativo para mellorar a
atención, a escoita e a concentración do alumnado. Para o profesorado interesado, o curso está
homologado con 12 horas de formación pola Consellería de
Educación e OU.
As prazas son limitadas. Tedes toda a informaciónaquí.
VI Seminario- Obradoiro
Internacional de Avaliación de Materiais Didácticos Vedra, 20 e 21
de febreiro. É unha actividade con distintos modelos de
avaliación de recursos educativos dirixidos aos distintos
ámbitos de ensino. Para o profesorado interesado, o curso está
homologado con 12 horas de formación pola Consellería de
Educación e OU.
As prazas son limitadas. Tedes toda a informaciónaquí.
Obradoiros
de iniciación á pandeireta, ó baile, ó canto e á fotografía
Lembramos
que está aberta a matrícula para o obradoiro de pandeireta, que
comezará no mes de abril!
Aínda que non conseguimos reunir suficiente xente para conformar
os grupos de canto, fotografía e baile tradicional, seguimos a
intentalo! Se estás interesado ou interesada non dubides en
mandarnos un email para que o teñamos en conta e avisarémoste se
somos quen de formar grupo.
Toda a informaciónaquí.
REVISTA GALEGA DE EDUCACIÓN
REVISTA GALEGA DE EDUCACIÓN Nº
60
Xa está na rúa o nº 60 da Revista Galega de
Educación cun monográfico dedicado á lusofonía. O número vai
acompañado por unha separata na que se recolle a entrevista
realizada por Antía González Ben ao profesor estadounidense
Michael Apple, coincidindo ademais co seu nomeamento
como doutor honoris causa pola Universidade da Coruña.
O número, que xa se presentou a finais de 2014 no Culturgal, pode
adquirirse solicitándoo en calquera libraría de Galicia ou ben a
través da propia sede da asociación, mesmo por correo
electrónico.
Toda a información sobre o número e a revista aquí.
PREMIOS E RECOÑECEMENTOS
Moitísimos
parabéns ao noso compañeiro Jesús Rodríguez Rodríguez, que
ademais é o director da Revista Galega de Educación, por este
merecido recoñemento! Unha moi acertada decisión do Colexio
de Educadoras e Educadores Sociais de Galicia aos que tamén
parabenizamos!
